منتديات نور الله على الارض

منتديات نور الله على الارض
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 هذه الابوذيات كلمن مضروب بوري او يحب من طرف واحد او متعارك وية الحبيبة

اذهب الى الأسفل 
كاتب الموضوعرسالة
نوار التميمي
عضو متميز
عضو متميز
avatar

ذكر الابراج : الثور الأبراج الصينية : القط
عدد الرسائل : 24
العمر : 31
نقاط : 9950
تاريخ التسجيل : 15/05/2009

مُساهمةموضوع: هذه الابوذيات كلمن مضروب بوري او يحب من طرف واحد او متعارك وية الحبيبة   الإثنين يوليو 27, 2009 6:17 am

ورمشاك.......
وحق كلبك وعينك ورمشاك
اضل طول العمر امشي وره مشاك
عليل ومرضي ورم شاك
تطيب جروحي من تمد ايدك عليه



وسر بيه.....
افرح لو شفت وجهك وسر بي
وحبك ثابت بكلبي وسر بيه
شما طال الدرب امشي وسر بي
ابعث الروح لعيونك هديه



ياسر......
بعسر حالي ابد ما اكول ياسر
وعلى اسراري اكلك بعد ياسر
اذا عمار يمه انكتل ياسر
انكلب حمزه وتعال الحك عليه




تراني.....
نحيل الجسم من بعدك تراني
واريك يوم بعيونك تراني
افكر بيك كل ساعه تراني
افكر بيك والبعد يصعد عليه




ودكلك.....
الك ما نبض كلبي ودكلك
واطحن بالحجي ناعم وادكلك
بيوم السافرت كمت ابجي ودكلك
جيتك بنص الليل يم بابك ودكلك
دكلي شوكت اتحن عليه



بالاه.....
يا وكتي انكضت وياك بالاه
ودمع العين ثوب الصبر بلاه
لو كلي اصير جروح بالاه
اكابر وما امدلك اذيه



ولمساك.....
انطرك دوم من صبحك ولمساك
واريدن بس ابوسنك ولمساك
هجرك صم يا مدلل ولمساك
وهسه انت جاي وتتكبر عليه



ويلين......
حرت وين اشرد من الدهر ويلين
وعلى اشفافي صفه اليا ويل ويلين
يخضع كل قوي للزمن ويلين
الفخر للاريحي المابي اذيه



وياج......
هسه انه امنت بالشوك وياج
واحذرج من كلام الناس وياج
بكثر ما وج دليلي العذل وياج
وتعالي انعيد عشرتنه سويه



حسبه......
جفى جرحي ولا من محب حسبه
وكضى الليل حسبه بثلر حسبه
خلص عمري وتعال وياي حسبه
وحرام ان جان الف0رح مر عليه



سني....
العمر تيهته وضاع سني
كبرت ومن كدام طاح سني
جنت شيعي وجيف احبك صرت سني
اجتف بالصلاه غصبا عليه



مره......
صدكنيي جذب من كال الموت مره
وصدكنياليحب شما تعذب حلو مره
واتمنى ابوس اشفافك كون بس مره
وذا تشتاك للغالي تشوف الموت كم مره
واتمن تحس بيه فرد مره
تعال ارجوك واتلاحك عليه



وحر بي......
كلبي انت ملكته وانت حر بي
عليل وطبي عندك وانت حر بي
يا كاس الاشربه وانتحر بي
شربت حبك هو العم عليه



من عبيدك.....
تكلم وكول من عبيدك
وهذا الهوى اليسري منعه بيدك
اغاتك واريد اصير من عبيدك
ولو ذله على ابن العراقيه


بعداك.....
حبيبي ما تحب النفس بعداك
عديت شحصلت يا ترف بعداك
نخيت الصبر ويه الجان بعداك
وهسه انت الي تخون بيه



ولا ساف.....
الندم ما ينفع بزعلك ولا ساف
ولساني ما غلط مثلك ولا ساف
جنت عالي واشوفك ولا ساف
جبل لو تصير ما تعله عليه



وصله.....
يا صاحب هاك اخذ مكتوب وصله
واريد اعرف عمامه منين و اصله
كلبي عليك صار 12 وصله
كل وصله تصيح جيبو اليه



ملكاك.....
ترف لشوكت ادور عليك ملكاك
عزيز وعبد لليهواك ملكاك
تكول اهواك وانه اكرت ملكاك
حرام ان يوم حسيت بيه



وذاني......
حجي العذال عذبني وذاني
وباب الكلب سديته وذاني
احبك يا بعد روحي واذا اني
هجرتك كول بالحب مو وفيه



بسمار......
ترف ردناك لينه تمر بسمار
جفيت وصرت اعيش اهواك بسمار
بكلبي اندك غرامك مثل بسمار
وتعبني وبسمر عيوني عليه



تعدله.......
عليمن تحسب اغلاطي تعدله
الميت بالبجي شضن تعدله
العوج عوده صعب ظله تعدله
يظل اعوج لمه تلفه المنيه



ولا عيب.....
صافي وخلل ما بي ولا عيب
ولا عرف الحجي الملوي ولا عيب
حبيبي لا خجل يعرف ولا عيب
فرق البيني وبينه بعد الثريه



ونهار.......
ذجرك ما نسيته بليل ونهار
وتجري دموعي بحور ونهار
ابكثر نوحي دليلي انعاب ولنهار
وعلى افراكك تروح الروح ليه



وعدي.......
حسابي ما غلط مره وعدي
ودومك تغلط بحقي وعدي
السوالف شو كله يمي وعدي
عليمن خايف اضبطهن عليه



مر علينه......
ترف يهل تمشي بدربك مر علينه
عزيز ونرى فراكك مر علينه
انا بعز نومي طيفك مر علينه
دخيلك لا تكطع الوصل بيه



وحن لك.....
الدهر اعلن حرب ضدبي وحن لك
وبجفني اتغضب دمعي وحن لك
انا مشتاك لدادك وحن لك
حنين ادريس للجنه البهيه



حنيت........
سبع اضلوع يوم اهجرت حنيت
وبهجركم لا تضن لحفوفي حنيت
تصدعني والعد الغير حنيت
السبب تهجرني وقسى عليه




وردك.......
يا فلان ادري بنبع الشوك وردك
وادري من التحبها النوح وردك
العمر بستان واحلى الور وردك
ووردك تذبل بس عليه



عاشراني........
عاشراني حلو وبطبعي عاشراني
واظل دايم طول العمر معاشراني
اذا تسعه الحبوج والعاشراني
اذن الرقم 11 والله خطيه
تحياتي ويارب تعجبكم
تحياتي لكم جميعا
sn_iraq@yahoo.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور العراق
Admin
Admin
avatar

انثى الابراج : الجدي الأبراج الصينية : التِنِّين
عدد الرسائل : 193
العمر : 29
العمل/الترفيه : طالبه جامعيه
نقاط : 11041
تاريخ التسجيل : 16/08/2008

مُساهمةموضوع: رد: هذه الابوذيات كلمن مضروب بوري او يحب من طرف واحد او متعارك وية الحبيبة   الإثنين يوليو 27, 2009 11:41 pm

تسلم وننتظر المزيد من مشاركاتك الرووووعه

_________________




يارَبْ إذا أعطيتني مَالاً فلا تأخذ سَعادتي
وإذا أعَطيتني قوّة فلا تأخذ عّقليْ
وإذا أعَطيتني نجَاحاً فلا تأخذ تَواضعْي
وإذا أعطيتني تواضعاً فلا تأخذ اعتزازي بِكرامتي
إلهِي قَصُرَتِ الأَلْسُنُ عَنْ بُلُوغِ ثَنآئِكَ، كَما يَلِيقُ بِجَلالِكَ، وَعَجَزَتِ الْعُقُولُ عَنْ إدْراكِ كُنْهِ جَمالِكَ، وَانْحَسَرَتِ الأَبْصارُ دُونَ النَّظَرِ إلى سُبُحاتِ وَجْهِكَ، وَلَمْ تَجْعَلْ لِلْخَلْقِ طَرِيقاً إلى مَعْرِفَتِكَ إلاَّ بِالْعَجْزِ عَنْ مَعْرِفَتِكَ.
إلهِي ما أَلَذَّ خَواطِرَ الإِلْهامِ بِذِكْرِكَ عَلَى الْقُلُوبِ، وَما أَحْلَى الْمَسِيرَ إلَيْكَ بِالأَوْهامِ فِي مَسالِكِ الْغُيُوبِ، وَما أَطْيَبَ طَعْمَ حُبِّكَ، وَما أَعْذَبَ شِرْبَ قُرْبِكَ، فَأَعِذْنا مِنْ طَرْدِكَ وَإبْعادِكَ، وَاجْعَلْنا مِنْ أَخَصِّ عارِفِيكَ، وَأَصْلَحِ عِبادِكَ، وَأَصْدَقِ طآئِعِيكَ وَأَخْلَصِ عُبَّادِكَ، يا عَظِيمُ، يا جَلِيلُ، يا كَرِيمُ، بِرَحْمَتِكَ وَمَنِّكَ يا أَرْحَمَ الرَّاحِمِينَ.


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nooraliraq.ahlamuntada.com
 
هذه الابوذيات كلمن مضروب بوري او يحب من طرف واحد او متعارك وية الحبيبة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نور الله على الارض :: *·~-.¸¸,.-~*@ القسم الثقافـي العلمـــي @*·~-.¸¸,.-~* :: منتدى الشعر والخواطر-
انتقل الى: